ردّ منير مكرم، عضو مجلس إدارة نقابة المهن التمثيلية، على استغاثة الفنانة نبيلة عبيد بعد إقرار تعديل قانون الإيجار القديم، الذي ينص على إنهاء العلاقة الإيجارية بعد سبع سنوات، ما قد يُهدّد بإخلاء شقتها في منطقة جامعة الدول العربية بالجيزة.

نبيلة عبيد تستغيث.. والنقابة ترد

وقال مكرم في تصريحات صحفية: «النقابة مالهاش علاقة.. إحنا مواطنين مصريين، وده قانون، والقانون فوق الجميع، ومحدش يقدر يقف ضده، فالنقابة ملهاش أي تدخل».

وأضاف: «أنا شقتي إيجار قديم بردو، والقانون هيمشي عليّا زي أي حد.. أنا مواطن بسيط وأتمنى إن كل الناس تبقى بخير».

من جانبها، عبّرت نبيلة عبيد عن خوفها الشديد من فقدان شقتها وذكرياتها الفنية العريقة، حيث قالت: «هياخدوا مني الشقة اللي فيها تاريخي السينمائي.. فيها هدومي وصوري وجرايدي ومجلا، كل التاريخ بتاعي اللي بقاله أكتر من 40 سنة.. مش عارفة أشيل التاريخ الفني ده أوديه فين.. أنا لسة شايفة القانون إمبارح ومش عارفة أتفاهم مع مين؟» .

نبيلة عبيد: الشقة فيها ربحة أمي

وتابعت: «البيت ده من أيام بداياتي.. أغلق المفتاح وأشم ريحته وريحة أمي اللي كانت عايشة معايا فيه… أنا لا اتجوزت ولا خلفت، عيشت مع أمي فيها، وكل فني فيها، وأصحاب الملك ما هيصدقوا ياخدوها.. أنا هتكلم مع النقيب أشرف زكي بليل».

اقرأ أيضا:

معلومات عن النسخة الثالثة من مهرجان العلمين الجديدة.. يبدأ 18 يوليو