علق الفنان سامح حسين على الهجوم الذي تعرض له عقب تصريحاته بشأن تقليل عدد أيام الإجازات وزيادة العمل، وذلك أثناء لقاء الرئيس عبدالفتاح السيسي في احتفالية أول أيام عيد الفطر المبارك.
سامح حسين يعلق على إلغاء الإجازات
وكتب سامح حسين، عبر صفحته على فيسبوك: “جمهوري الحبيب.. كل سنة وأنتم طيبين وبخير.. بناء على طلبكم والناس اللي طلبت تفسير لموضوع إني بطالب بإلغاء الإجازات في الأعياد الكلام ده طبعا غير حقيقي بالمرة، أنا بحب الإجازة وبحب زيكم اشتغل بإخلاص زي كل واحد في مجاله”.
وأضاف: “الإجازة دي نعمة من ربنا نشحن من خلالها قوتنا لمواصلة مشوار الحياة.. كل الموضوع إني أتمنيت إن أعياد مصر وأفراحها تزيد وتكتر وساعتها مش لازم ناخد الأعياد الجديدة دي كلها إجازة”.
وتابع: “لكني لم أقصد أبدا إلغاء الإجازات الرسمية.. وعلى فكرة إحنا بنحب الإجازة عشان بنشتغل، أي حد جرب قلة الشغل مش هيحب الإجازة.. الشغل نعمة ربنا يديمها علينا ويعين كل واحد على حاله ويكرمنا جميعا ويرزقنا الخير، يارب حياتكم تكون كلها أعياد وفرحة”.
احتفالية عيد الفطر
وكان سامح حسين قال أثناء مشاركته في احتفالية عيد الفطر أمام الرئيس عبد الفتاح السيسي: “مصر فيها حاجات حلوة كتير أوي، ومن ضمنها إنك مش محتاج مناسبة معينة عشان تسمع جملة كل سنة وأنت طيب، وتقدر تقولها أمام أي حد، ولو صغر دماغه معاك مش هتغلب وهتلاقي مناسبة، وإحنا شعب بيحب الحياة والاحتفالات”.
وأضاف: “إحنا شعب أبهر العالم بقدرته العجيبة على الضحك في أصعب المواقف وربنا خلقنا كده بنحب الضحك والفرحة، والعيد فرحة، ويا رب يكتر أفراحنا، بس مش ضروري نأخذ كل الأعياد دي إجازات وورانا شغل كتير أوي».
اقرأ أيضا| سامح حسين: أحرص على تقديم محتوى يحترم عقول المشاهدين
