شيماء المغربي تطلق أغنية ليه ساكت
أطلقت المطربة شيماء المغربي، منذ قليل، أحدث أغنياتها بعنوان “ليه ساكت”، والتي طرحتها على طريقة الفيديو كليب.
أغنية شيماء المغربي الجديدة
وحققت أغنية “ليه ساكت”، مشاهدات مرتفعة على اليوتيوب بعد ساعات قليلة من طرحها، حيث دخلت قائمة التريند، وهي من كلمات مبارك كمال، وألحان زياد وائل، وتوزيع خوليو، وإنتاج سلطان الشن، والكليب من إخراج عمر زكي.
كلمات أغنية ليه ساكت
وتقول كلمات الأغنية:
ليه ساكت و دايمًا قليل الكلام.. وماسك في جملة كويس تمام
مداري بهدوئك صراعك حروبك.. سلامك في حربك وحربك سلام
في عينك حكاوي وقصص كتير.. وشايل وشكلك معبي بضمير
وباهت ومطفي وواضح في صفي.. أكيد أنت من اللي طموحهم كبير
وحلمك جه يلمح ظروفك فغاب.. وفاجأك وخلاك مريض اكتئاب
بتنزف وشكلك مكبر في عمرك.. ملامحك مسنه في سن الشباب
وعايش تضيع في وقت وسنين.. هتهرب لإمتى وهتهرب لفين
بتوجع في قلبك وتجلد في نفسك.. وعمرك بيجري معشتش يومين
يا ريتك بتشكي بتصرخ تقول.. يا ريتك تفكر وتعرض حلول
يا ريتك تسيبك وترضى بنصيبك.. يا ريتك بتقبل كلام العقول
تراكم جروحك مخلص عليك.. مدمر حياتك مكتف إيديك
ده حلم اللي سابك تضيع لما سابك وضعت لما سابك وشمته فيك
فين أنت بهزارك وفين اللي كان ليه طلة وحضوره بيملى المكان
فين أنت وشقاوتك وروحك وعندك أكيد أنت واحشك بنسخة زمان
حاولت وعافرت وأمنت وسعيت سرحت بخيالك في واقع صحيت
بتقسى وهتقسى ولا يمكن هتنسى تعبت وياريتك ياريتك لقيت
